 O'zbek kino olamida kinorejissor Bahrom Yoqubov 21 avgust kuni keng ommaga o'zining yangi kinoasarini ilk borani namoyish etdi. Kinoshunoslar, OAV xodimlari, estrada yulduzlari va film ijodkorlarining yaqinlari "Super kelinchak" kartinasini birinchilar qatorida tomosha qilishdi.
Film yakunidagi olqishlardan kartina ko'pchilikka manzur bo'lganini anglash qiyin emas edi. Diana Yagofarova, Adiz Rajabov, Saida Rametova, Murod Rajabov, Nozim To'laxo'jaev va Sanjar Shodiev kabi aktyorlar jamoasidan tashkil topgan ijodiy guruh, Bahrom Yoqubov boshchiligida ajoyib hayotiy, nozik komediyani bizga taqdim etishdi. Unda o'zga yurt (rus) vakilasi o'zbek xonadoniga kelin bo'lib tushishi va milliy urf-odatlarimizni o'zimizdanda ko'ra ko'proq o'zlashtirib olishi juda ham ishonchli ko'rsatib berilgan. Haqiqiy muhabbatning nozik hilqalari kartinaning har bir tomoshabinini ruhlantirishi shubhasiz. "Futurist" studiyasi tomonidan suratga olingan "Super kelinchak" filmi 23 avgustdan e'tboran keng namoyishini boshlaydi.
Ma'lumotlar : Sb.uz dan olingan.
|
